बुटवल ।

आज बुधबार बुटवलमा कोरोना संक्रमित  बढेका छन् । स्वास्थ्य कार्यालय रुपन्देहीले जारी गरेको तथ्याङ्क अनुसार बुटवलमा २४ जना संक्रमित थपिएका हुन् , जुन एक महिना यताकै सबैभन्दा धेरै संख्या हो ।
आज थपिनेमा बुटवलबाहेक तिलोत्तमामा आठ, देवदहमा एक र सैनामैनामा चार जना रहेको स्वास्थ्य कार्यालयले जनाएको छ ।
योसँगै जिल्लामा फेरि सक्रिय संक्रमितको संख्या बढेको छ । हिजो मंगलबार जिल्लामा तीन सय १४ सक्रिय संक्रमित रहेकोमा आज बुधबार तीन सय ३१ जना पुगेका छन् । योसँगै जिल्लामा कुल संक्रमितको संख्या २८ हजार ६ सय १३ जना पुगेको छ । तीमध्ये २७ हजार ८ सय २४ जना निको भएका छन् भने ५०५ जनाको मृत्यु भएको छ ।