बुटवल

मानविय मृत्यु सस्कार पछि गरिने दाहसस्कारका लागि ठाउँको अभाब भएको भन्दै बुटवलको तिनाउ नदी किनारामा सवदाह गृह निर्माण गरिएको छ ।

बुटवल लायन्स क्लबले बुटवलको मैनाबगरमा अत्याधुनिक दाहासस्कार गृहको निर्माण गरेको जनाएको छ ।

बुट्बल नगरपालिका ,यस क्षेत्रका सहयोगदाता र बुटवल लायन्स क्लबको आर्थिक सहयोगमा निर्माण गरिएको सवदाह गृह करिब १ करोड १९ लाख रुपैया खर्च भएको निर्माण समितिका संयोजक अर्जुन रानाभाटले बताउनु भयो । मानिसको मुत्यु भएपछि सव जलाउनका लागि बुटवल क्षेत्रमा योगिकुटीमा मगरघाट वाहेक अन्य स्थानमा व्यवस्थीत सव दाह गृह नहुदा निकै समस्या भएको समयमा क्लवले निर्माण गरेको सवदाहगृहले यस क्षेत्रका जनतालाई थप सहज हुने भएको छ ।

बुटवलमा जन्मेकाहरुको मृत्यु भएमा अन्य स्थानमा अन्तिम दाहसंस्कारका लागि लैजानु पर्ने बाध्यताको अन्त्यका लागी सवदाहगृह जरुरी भएकाले क्लबको अगुवाईमा निर्माण गरिएको बुटवल लायन्स क्लबका पूर्व अध्यक्ष रामेश्वर श्रेष्ठले औल्याउनु भयो । हाल एकपटकमा २ जना सवको दाहसंस्कार गर्न मिल्ने र निकट भविस्यमा विद्युतीय प्रणालीवाट जलाउने व्यवस्था मिलाउन गरि कार्य योजना बनाएको आयोजकले बताएका छन ।