काठमाडौँ – निर्वाचन आयोगले राष्ट्रियसभा निर्वाचनका उम्मेदवारहरुको सूची सार्वजनिक गरेको छ । आयोगले आइतबार आगामी माघ १२ गते हुने राष्ट्रियसभा निर्वाचनका उम्मेदवारहरुको अन्तिम सूची सार्वजनिक गरेको हो ।

यस्तै उम्मेदवारहरुलाई निर्वाचन चिह्न पनि प्रदान गरिएको आयोगले जनाएको छ ।

आयोगले राप्रपाका उम्मेदवारलाई हलो, नेकपा एकीकृत समाजवादी पार्टीका उम्मेदवारलाई कलम, जसपाका उम्मेदवारलाई ढल्केको छाता तथा एमालेका उम्मेदवारलाई सूर्य र काँग्रेस उम्मेदवारलाई रुख चुनाव चिन्ह प्रदान गरेको छ । यस्तै लोसपाका उम्मेदवारलाई साइकल, नेकपा माओवादी केन्द्रका उम्मेदवारलाई गोलकारभित्र हँसिया हथौडा तथा नेमकिपाका उम्मेदवारलाई मादल चिन्ह प्रदान गरिएको आयोगले जनाएको छ ।