बुटवल

बुटवल उपमहानगरपालिकाको कार्यपालिका सदस्यमा सबै गठबन्धनका उम्मेदवार निर्वाचित भएका छन् । बिहिबार भएको नगर कार्यपालिकाको निर्वाचनमा आठ जना नै सदस्य गठबन्धनका उम्मेदवार निर्वाचित भएका हुन् ।
कार्यपालिका सदस्यको लागि भएको निर्वाचनमा नगरप्रमुख, उपप्रमुख सहित १९ वडाकै वडा अध्यक्ष र सदस्यहरुले मतदान गरेका थिए ।
बुटवलका कार्यपालिका सदस्यमा नेपाली काँग्रेसबाट ५ जना निलम गौतम, बसन्ती बिक, राधादेवी पौडेल, रिना भुसाल, हेमा थामी र जनता समाजवादी पार्टीबाट सुनिता खड्लुक, नेकप एसबाट यमबहादुर सुनार र राष्ट्रिय जनमोर्चाबाट कृष्णबहादुर सुनार एकएक जना निर्वाचित हुनुभएको छ । बुटवलको नगर कार्यपालिकामा एमालेका उम्मेद्वार सबै पराजित भएका छन् ।