पाल्पा
तिनाउ खोलाले बगाएर पाल्पाको तिनाउ गाउँपालिका–२, दोभानमा तीन वर्षीय मायुस सारुको मृत्यु भएको छ ।
आइतबार दिउँसो दिदीसँग खोलामा नुहाउन गएका सारुको तिनाउ खोलाले बगाएर मृत्यु भएको जिल्ला प्रहरी कार्यालय पाल्पाले जनाएको छ ।

खोलामा डुबेर बेपत्ता भएका सारु खोजी गर्ने क्रममा १ हजार ५ सय मिटर तल फेला परेको स्थानीयले बताए ।
लामो समय खोलामा डुबेर बेहोस भएका सारुलाई उपचारका लागि लुम्बिनी प्रादेशिक अस्पताल बुटवल लगिएकोमा चिकित्सकले उनलाई मृत घोषणा गरेका थिए ।

घटना बारे थप अनुसन्धान भइरहेको जिल्ला प्रहरी कार्यालय पाल्पाले जनाएको छ ।