पाल्पा

पाल्पामा मोटरसाइकल र जीप ठोक्किदा एक जनाको मृत्यु भएको छ । मृत्यु हुनेमा मोटरसाइकल चालक पाल्पा जिल्ला बगनासकाली गाउँपालिका ७ का बर्ष २८ का सुदन भट्टराई रहेको प्रहरीले जनाएको छ । बुधबार बिहान करिब साढे ११ बजेको समयमा बगनासकाली ९ चाप्पानीमा तानसेनबाट खानीगाउँतर्फ जादै गरेको लु ५५ प ६८५६ नम्बरको मोटरसाइकल र बिपरित दिशाबाट आउँदै गरेको लु १ ज १७५९ नम्बरको जीप एक आपसमा ठोक्किएका थिए ।

दुर्घटनामा परी गम्भीर घाईते भट्टराइको तानसेन स्थित युनाइटेड मिसन अस्पतालमा उपचार हुन नसकेपछि हेलिकप्टरबाट काठमाडौं स्थित ग्राण्डी अस्पताल पठाइएकोमा उपचारको क्रममा बुधबार साँझ करिब ६ बजे मृत्यु भएको जिल्ला प्रहरी कार्यालय पाल्पाका सूचना अधिकारी सन्तोष चन्दले जानकारी दिए ।

ठक्कर दिने जीप चालकलाई नियन्त्रणमा लिई घटनाको सम्बन्धमा थप अनुसन्धान जारी रहेको प्रहरीले जनाएको छ ।