बुटवल

१० जनाको मृत्यु हुने गरि कपिलवस्तुमा आज बिहान भएको बस दुर्घटना प्रति नेपाली कांग्रेस लुम्बिनी प्रदेश संसदीय दलले दुख ब्यक्त गरेको छ ।

नेपाली कांग्रेस लुम्बिनी प्रदेश संसदीय दलका प्रमुख सचेतक जन्मजय तिमिल्सिनाले एक शाेक विज्ञप्ति जारी गरि दुख ब्यक्त गरेका हुन् ।

बुधबार राति कपिलवस्तुको सुरही खोलामा बस दुर्घटनाको खबरले स्तब्ध बनाएको उल्लेख गर्दै दुर्घटनामा परी ज्यान गुमाउनेहरु प्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना प्रकट गरेकाे हो ।

दुर्घटनामा परी घाइते भएकाहरूको शीघ्र स्वास्थ्य लाभको कामना गर्दै शाेक विज्ञप्तिमा उपचारमा सम्बन्धित पक्ष गम्भीर रुपमा लाग्न आग्रह समेत गरिएकाे छ ।

दुर्घटनाका क्रममा उद्दार र उपचारमा खट्ने सुरक्षाकर्मी, जनप्रतिनिधि स्वास्थ्यकर्मी, स्थानीयलाई धन्यवाद व्यक्त गरेका छन् ।

पूर्व पश्चिम राजमार्गमा दैनिक रुपमा भईरहेका सवारी दुर्घटना न्यूनीकरणका लागि सम्बन्धित पक्षलाई गम्भीर बन्न नेपाली कांग्रेस संसदीय दल लुम्बिनी प्रदेशले आग्रह गरेकाे छ ।