लुम्बिनी उपवनस्थित मायादेवी मन्दिर परिसरमा अशोक स्तम्भ अघि लुम्बिनी लायन्सले अफिसियल जर्सी सार्वजनिक गरेको हो । क्लबका मालिक ईश्वर जिसी, लुम्बिनी लायन्सका ब्राण्ड एम्बेस्डर महानायक राजेश हमाल र गायिका आनीछोइङ डोल्माले संयुक्त रूपमा जर्सी सार्वजनिक गरेका हुन् ।

‘लुम्बिनी लायन्ससँग आबद्ध हुदा निक्कै खुसी छु,’ कार्यक्रममा बोल्दै महानायक हमालले भने, ‘लुम्बिनीमा जर्सी सार्वजनिक गर्दा उस्तै उत्साहित र गौरवान्वित महसुश गरेको छु ।’ बुद्ध जन्मस्थल लुम्बिनीमा जर्सी सार्वजनिक गर्दा यसको महत्वले जीतको ऊर्जा थप्न प्रेरणा मिलेको बताइन् ।

कार्यक्रममा लुम्बिनी लायन्सका मार्की खेलाडी तथा नेपाली राष्ट्रिय टोलीका कप्तान रोहितकुमार पौडेल समेत उपस्थित थिए । नेपाल क्रिकेट संघको आयोजनामा मंसिर १५ देखि पुस ६ गतेसम्म काठमाडौंमा एनपीएल हुँदैछ । अतिथिलाई लुम्बिनी विकास कोषका पदाधिकारी र वरिष्ठ अधिकृतले स्वागत गरेका थिए ।