तिलोत्तमा,

नेपाल महिला संघ तिलोत्तमा वडा नं ३ ले हरितालिका तिजकोअबसरमा तीज मिलन कार्यक्रम गरेको छ । गत बर्ष जस्तै यस बर्ष पनि नेपाल महिला संघले नेपाली कांग्रेसमा आस्था राख्ने वडाका महिला दिदीबहिनीहरुका लागि तिजमिलन कार्यक्रमको आयोजना गरेको हो ।

कार्यक्रममा नेपाली कांग्रेस रुपन्देही जिल्ला सभापति एवं तिलोेत्तमा नगरपालिका का नगरप्रमुख रामकृष्ण खांणले आफ्नो क्षमताले सक्ने गरी सुलभ र सरल तरिकाले चाडबाड मनाउन आग्रह गर्नु भयो । उहाँले मानवता जोगाउँदै संस्कृतीको जर्गेना गर्न पनि अनुरोध गर्नु भयो । तीज धार्मीक ,सांस्कृतिक ,सामाजिक, तथा आर्थिक दृष्टिकोणले पनि महत्वपूर्ण चाडका रुपमा रहेको उल्लेख गर्दै उहाँले यो पर्वलाई तडकभडक होइन स्वच्छ मनले सबैले मनाउनु पर्ने उल्लेख गर्नुु भयो ।

नेपाल महिला संघ तिलोत्तमा वडा नं ३ का सभापति हिरा पौडेल अधिकारीको सभापतित्वमा भएको कार्यक्रममा नेपाली कांग्रेसका महासमिति सदस्य एवं प्रजातान्त्रिक महासंघ लुम्विनी प्रदेश अध्यक्ष चित्र बहादुर केसी , नेपाली कांग्रेस तिलोत्तमा नगर सभापति हरिलाल पाण्डे वडा नं तीनका जनप्रतिनिधि चुडा कुमारी विष्ट लगायतले हरितालिका तीजको महत्वका बारेमा प्रकाश पार्नुभएको थियो । सो अवसरमा नेपाली काँग्रेस साविक आनन्दवन वडा नं ९ का पुर्व सभापति बिष्णु न्यौपाने तथा हुमकला न्यौपानेलाई सम्मान गरिएको थियो।

तिलोत्तमा वडा नं तीन स्थित रेडिसन होटल एण्ड पाटिप्यालेसमा भएको कार्यक्रममा करिब तीन सय नेता तथा कार्यकर्ताको उपस्थिति रहेको थियो । कार्यक्रमको संचालन सचिव कल्पना शर्माले गर्नुभएको हो ।

।