बुटवल । अर्घाखाँचीको पाणिनी गाउँपालिका-३, दुर्गाफाटामा सोमबार बेलुका मोटरसाइकल दुर्घटना हुँदा २ युवाले ज्यान गुमाएका छन् । साँझ करिब पौने ८ बजे भएको सो दुर्घटनामा परी एक युवा घाइते भएका छन् ।

राजमार्ग सुरक्षा तथा ट्राफिक व्यवस्थापन कार्यालय बुटवका अनुसार मृत्यु हुनेमा मोटरसाइकद चालक पाणीनी गाउँपालीका-४ निगालीका १८ वर्षीय गौतम वि.क. र सोही मोटरसाइकलमा पछाडि सवार सोही ठाउँका २४ वर्षीय सागर वि.क. रहेका छन् । उनीहरु सवार ना ३६ प ३५०९ नम्बरको मोटरसाइकल आफै अनियन्त्रित भई रोकी राखेको ट्याक्टरमा ठोकिँदा दुर्घटना भएको प्रहरीले जनाएको छ । मोटरसाइकलमा सवार ३ जनामध्ये २५ वर्षीय सन्तोष घर्ती घाइते भएका छन् ।