अबको झण्डै दुई हप्ता मौसम सफा रहने

अबको झण्डै दुई हप्ता मौसम सफा रहने

गुल्मीको पर्यटकीय स्थल रेसुङ्गाको नुनामारे क्षेत्रबाट आइतबार बिहान देखिएका अन्नपूर्ण र धौलागिरीलगायतका हिमश्रृङ्खला तथा आसपासका क्षेत्र । तस्बिर : जनार्दन घिमिरे/ रासस

काठमाण्डौ – अबको दुई हप्तासम्म देशका सबैजसो ठाउँमा मौसम खुल्ने भएको छ । पश्चिमी न्यूनचापीय प्रणालीका कारण हिजो केही ठाउँमा वर्षा र हिमपात भएकोमा त्यो प्रणाली निष्क्रिय भइसकेका कारण अब मौसम खुल्ने मौसमविद्ले बताएका छन् ।

मौसमविद् एवं त्रिभुवन विश्वविद्यालयका उपप्राध्यापक विनोद पराजुलीका अनुसार अब झण्डै दुई हप्तासम्म नेपालका धेरै ठाउँमा पानी पार्ने कुनै उल्लेखनीय मौसमी प्रणाली आउने सङ्केत छैन । बङ्गालको खाडीमा बन्ने प्रणालीले पनि नेपालमा वर्षा गराउने सम्भावना देखिएको छैन ।

यस्तै जलवायुविज्ञ उज्ज्वल उपाध्यायले पनि कम्तीमा एक हप्ता मौसम घमाइलो हुने बताउनुभएको छ । उहाँका अनुसार उपल्लो भूभागमा कतै–कतै छिटपुट वर्षा भए पनि देशका धेरैजसो ठाउँमा बदली र वर्षाको सम्भावना छैन ।

तराईका क्षेत्र, उपत्यका तथा खोँचहरूमा बिहानपख हुस्सु तथा कुहिरो लाग्न सक्ने भए पनि त्यो बिहान चाँडै हट्नेछ । मौसम खुल्ने भएकाले अब किसानले ढुक्क भएर धान काट्न र सुकाउन सक्नेछन् ।

यस्तै हिमाली तथा उच्च पहाडी क्षेत्रमा पदयात्रामा जानका लागि पनि अबका एक/दुई हप्ता मौसम अनुकूल बन्नेछ । मौसम खुल्ने र चिसो पनि धेरै नबढेकोले अबको केही समय पदयात्राका लागि अनुकूल भएको हो ।

प्रकाशित मिति : सोमबार, कार्तिक ३० २०८३

प्रतिक्रिया दिनुहोस्

थप समाचार

About Us

कम्पनी दर्ता न  २२६१५४  ०७६/०७७
सुचना तथा प्रसारण बिभाग दर्ता न.  १६५३  ०७६/०७७
प्रेस काउन्सिल ३६९ ०७६/०७७

Contact Us

जनता टुडे मिडिया प्रा. लि
सम्पर्क : ९८४७००९२८१, ९८६७११५१०३
तिलोत्तमा नगरपालिका-२, रुपन्देही
इमेल : [email protected]

Our Team

अध्यक्ष तथा प्रबन्ध निर्देशक
सिता गौतम बराल
सम्पादक
फूलमाया सुनार

पुरा टिम

© 2026 janatatoday.com All Right Reserved | Site by : sobij