काठमाडौं : नेपाल कम्युनिष्ट पार्टी (नेकपा)का नेता तथा पूर्व प्रधानमन्त्री माधव नेपालले एसिया प्यासिफिक समिटबारे आफ्नो स्पष्टीकरण दिएका छन् ।

नेकपाको जारी स्थायी समिति बैठकमा उनले स्पष्टीकरण दिएका हुन् ।

पूर्व प्रधानमन्त्रीहरुले पनि पहिले सम्मान लिएको बताउँदै उनले यसपटक मात्रै आलोचना बढेको बताएका छन् ।

आफूले जिम्मेवारी निर्वाह गरेको बताउँदै उनले आगामी दिनमा सुधार्ने वा कार्यक्रम नगर्ने बारे सोच्न आग्रह गरे ।

फिलिपिन्सबाट आइक्यापका प्रमुख समिटअघि आउँदा सबैले कार्यक्रमममा सहमति जनाएको माधव नेतालको तर्क थियो ।

उनले पार्टी र सरकारले दिएको जिम्मेवारी मात्रै निर्वाह गरेको जनाउँदै आफ्नो बचाउ गरेका थिए । नेता नेपालले समिट नेपालमै हुनुमा विगतदेखिको पृष्ठभूमि खुलाएका थिए ।

स्थायी समिति बैठकमा बिहान जवाफ दिन समय अभाव भएका कारण अपराह्न ४ बजे बैठक पुन बस्ने भएको छ ।

४ बजे बस्ने बैठकमा अध्यक्षद्वयले बैठकमा उठेका विषयबारे स्पष्टीकरण दिनेछन् ।