बुटवल
लुम्बिनी प्रादेशिक अस्पताल बुटवलको प्रयोगशालामा शुल्क तिरेर शुक्रबार स्वाब संकलन गरिएको २ जनामा कोरोना भाइरसको पीसीआर परीक्षणको रिपोर्ट पोजेटिभ आएको छ बुटवल उपमहानगरपालिका वडा नं ६ ठेगाना दिएका उनीहरु सम्पर्कविहिन छन्। उनीहरुले दिएको मोबाइल नम्बरमा सम्पर्क गर्दा सम्पर्क हुन नसकेकोअस्पतालका सूचना अधिकारी डा विष्णु गौतमले जानकारी दिनुभयो।
परिक्षणमा पोजेटिभ देखिएका व्यक्ति नै सम्पर्कमा नआउँदा उनीहरुको ट्राभल हिस्ट्री पत्ता लगाउन समस्या भएको छ।
रोजगारको शिलशिलामा भारतबाट आएका उनीहरुले रोजगारदाता कम्पनीमा जानुअघि परीक्षण गराउन आएको बताएका थिए। ५५ सयका दरले शुल्क तिरेर उनीहरुले स्वाबको नमुना दिएका थिए।

‘