काठमाडाैं-नेपाली कांग्रेसका महामन्त्री डा. शशांक कोइराला कोरोना भाइरस संक्रमणमुक्त भएका छन् ।

शशांकले बिहीबार सामाजिक सञ्जालमार्फत आफू कोरोनामुक्त भएको जानकारी दिएका हुन् । स्बाव परीक्षणका क्रममा उनकाे रिपोर्ट नेगेटिभ देखिएको हो ।

उनले अझै केही दिन होम आइसोलेशनमा बस्ने र चाँडै नै पार्टीको नियमित काममा फर्कने जानकारी दिए ।

सङ्क्रमण देखिएपछि केही दिन होम आइसोलेशनमा बसेका उनी ज्वरो र निमोनियाका कारण अस्पतालमा भर्ना भएका थिए ।

गत शनिबार चावहिलस्थित ओम अस्पतालबाट उपचारपछि डिस्चार्ज भएका महामन्त्री डा कोइराला चिकित्सकको सल्लाहअनुसार होम आइसोलेशनमा रहेका थिए ।