काठमाडौं । सरकार र अनशनरत डा. गोविन्द केसीबीच सहमति भएको छ । केहीबेरमा सरकार र डा. केसीको प्रतिनिधिबीचको सहमतिलाई औपचाकिरता दिइने बताइएको छ ।

त्यसपछि आजै अनशन तोड्ने तयारी रहेको श्रोतले बतायो । शिक्षा सचिव गोपी मैनाली र डा. जीवन क्षेत्री नेतृत्वको वार्ता टोली बिहीबार नै सहमति नजिक पुगिसकेका थियो ।

६ बुँदे माग राखेर विगत २६ दिनदेखि आमरण अनशनमा बसेका डा. केसी आफ्नो माग पूरा हुनैपर्ने अडानमा छन् । शुक्रबार दुबै पक्षले आन्तरिक परामर्श गरेपछि सहमतिलाई अन्तिम रुप दिइएको हो ।

स्रोतका अनुसार विश्वविद्यालय, आईओएम, काउन्सिल र प्रतिष्ठानमा पदाधिकारी नियुक्तिसम्बन्धी मापदण्ड ऐनमै राख्ने र ऐन संशोधन नहुँदासम्म वरिष्ठता र कार्यक्षमताका आधारमा नियुक्ति गर्ने सहमति भएको छ ।