बुटवल ।
रुपन्देहीमा साउन १५ गतेसम्मका लागि निशेधाज्ञा थप गरेको छ ।साथै सार्वजनिक तथा निजी सवारी सञ्चालनमा जोर–विजोर प्रणाली हटाइएको छ । जिल्ला कोभिड–१९ संकट व्यवस्थापन समितिको आजको बैठकले निशेधाज्ञा थप खुकुलो पार्दै सार्वजनिक सवारी सञ्चालनमा यसअघि कायम रहेको जोर–विजोर प्रणाली हटाउने निर्णय गरेको हो ।
त्यस्तै बैठकले ठूलाठूला मेला, मेला तथा भिडभाड हुनेखालका कार्यक्रमहरुमा भने अझै पनि रोक लगाइएको छ । व्यवसाय सञ्चालनका लागि यसअघि तोकेको निश्चित समयसीमा पनि हटाएको छ ।
बैठकले विश्वविद्यालय तथा विद्यालय तहका परीक्षा एउटा कक्षामा २५ जना भन्दा धेरै राख्न नपाउने गरी सञ्चालन गर्न अनुमति दिने निर्णय गरिएको छ ।