काठमाडौं – माओवादी केन्द्रका अध्यक्ष पुष्पकमल दाहाल प्रचण्डले आफूहरु निर्वतमान प्रधानमन्त्री केपी ओलीको अहंकार र अत्याचारमा पिसिन बाध्य भएको बताएका छन् । आइतबारको प्रतिनिधि सभाको दोस्रो बैठकमा बोल्दै अध्यक्ष प्रचण्डले ओेलीको अहंकारले नै आज देशलाई यहाँ पुयाएको दाबी गरे ।

उनले ओलीले झुट जालझेल र तिकडम गर्दा आफूले वाम एकता र गठबन्धनका लागि गरेको प्रस्तावप्रति नै पछुतो लागेको बताए । ओलीबाट लोकतान्त्रिक संस्कार कहिँ नदेखिएको उनले बताए । उनले देउवाको शपथ ग्रहण र आइतबार संसदमा ओलीले उपस्थित भएर धारणा नराख्नु अलोकन्त्रिक चरित्र भएको पनि आरोप लगाएका छन् ।