वुटवल

रुपन्देहीमा १२ वर्षीया नाबालिका बलात्कृत भएकी छन् । बलात्कार अभियोगमा रुपन्देहीको बुटवल उपमहानगरपालिका ११ रंगाशाला बस्ने ५९ वर्षीय रुकनाथ ढकाललाई आइतबार साँझ प्रहरीले पक्राउ गरेको इलाका प्रहरी कार्यालय बुटवलले जनाएको छ।

नाबालिकालाई ललाइफकाई तिनाउ खोलामा लगी बलात्कार गरेको अभियोगमा पक्राउ परेका ढकालविरुद्ध जबरजस्ती करणी उद्योगमा जाहेरी दर्ता गरी थप अनुसन्धान थालिएको इलाका प्रहरी कार्यालय बुटवलका प्रहरी नायब उपरीक्षक ठग बहादुर केसीले जानकारी दिए । ढकालले बलात्कार गरेको स्वीकारेको पनि प्रहरीले जनाएको छ ।

बालिकालाई लुम्बिनी प्रादेशिक अस्पतालमा प्रारम्भिक उपचार गरी घर पठाइएको प्रहरीले जनाएको छ ।