बुटवल
रुपन्देहीको सियारी गाउँपालिकाले सडक अतिक्रमण गरी बनाएका संरचना, सडक पेटिमा थुपारिएका निर्माण सामाग्री हटाउन १० दिने अल्टीमेटम दिएको छ ।
गाउँपालिकाका निमिक्त प्रमुख प्रमुख प्रशासकीय अधिकृत सुधिर पौडेलले एक बिज्ञप्ती जारी गर्दै सडकमा थुपारिएको निर्माण सामाग्री तथा सडकमा गाईबस्तु बाध्ने गर्दा पालिकाको सुन्दरता बिग्रिएको भन्दै हटाउन निर्देशन दिएको हो ।

खास गरी बेथरी बेलवास सडक खण्डमा अनाधिकृत रुपमा निर्माण सामाग्री थुपार्ने, ट्रक ट्याक्टर पार्किङ गर्ने, पशु चौपायाहरु बाध्ने, सडकको क्षेत्राधिकार मिचि ठेला तथा टंकी राख्ने कार्यले सफा, सुन्दर र व्यवस्थीत गाउँपालिका बनाउने अभियानलाई अबरोध गरेकाले त्यस्ता सामाग्रि हटाउन अनुरोध गरेको पालिकाले जनाएको छ ।

असोज ८ गते भित्र सडक किनाराको अबरोध नहटाए कानुन बमोजिम अगाडि बढ्ने गाउँपालिकाले चेतावनी समेत दिएको छ ।