बुटवल                                                                  काठमाडौमा भएको आठौं राष्ट्रिय सम्मेलनबाट नेपाल नगरपालिका संघको रुपन्देहीको तिलोत्तमा नगरपालिका प्रमुख रामकृष्ण खाँण केन्द्रिय सदस्यमा निर्वाचित भएका छन् । यस्तै अध्यक्षमा भीमप्रसाद ढुंगाना निर्वाचित भएका छन् । ढुंगाना धादिङको नीलकण्ठ नगरपालिकाका प्रमुख हुन् ।
संघको उपाध्यक्षमा सिन्धुपाल्चोकको चौतारासाँगागढी नगरपालिकाका प्रमुख कृष्ण प्रसाद सापकोटा, महासचिवमा घोराही उपमहानगरपालिकाका प्रमुख नरुलाल चौधरी, उपमहासचिवमा काठमाडौ महानगरपालिकाकी उपप्रमुख सुनिता डंगोल, कोषाध्यक्षमा हलेसी तुवाचुङ नगरपालिकाका प्रमुख बिमला राई र सह कोषाध्यक्षमा हेटौंडा उपमहानगरकाकी प्रमुख मिनाकुमारी लामा निर्वाचित भएका छन् ।