नवलपरासी-पश्चिम नवलपरासीमा अदालतले दोषी ठहर गरेको ३२ वर्षपछि एक फरार प्रतिवादी पक्राउ परेका छन् । प्रहरीले चोरी ९डाका० मुद्धाका फरार रहेका सुनवल नगरपालिका वडा नम्बर १३ बस्ने रामबहादुर गुरुङलाई पक्राउ गरेको हो ।

गुरुङलाई २०४९ मङ्सिर २८ गते अदालतले दोषी ठहर  गरेको थियो ।  दोषी करार पश्चात अदालतले पाँच वर्ष दुई महिना २५ दिन कैद सजाय र २ हजार ९ सय ७ रुपैया जरिवाना हुने गरी फैसला सुनाएको थियो ।

फैसला पश्चात उनि फरार भएका थिए । जिल्ला प्रहरी कार्यालय पश्चिम नवलपरासीका प्रहरी निरीक्षक नारायण थापाका अनुसार पक्राउ पर्नेमा सुनवल नगरपालिका १३ का रामबहादुर गुरुङ रहेका छन् । गुरुङलाई कैद भुक्तानका लागि अदालतमा पेस गरेपछि अदालतले जिल्ला कारागार चलान गरेको प्रहरी निरिक्षक सन्तोष पौडेलले बताए।