भैरहवा, रुपन्देहीको भैरहवास्थित श्री रुपन्देही लिलाराम न्यौपाने माध्यमिक विद्यालय ९परीक्षा केन्द्र० बाट एकजना नक्कली परीक्षार्थी पक्राउ परेका छन् । नक्कली परीक्षार्थी बनेर बिहीबार माध्यमिक शिक्षा परीक्षा ९एसईई० को अंग्रेजी विषयको परीक्षा दिएको आरोपमा आशिष बनिया पक्राउ परेका हुन् । उनलाई प्रहरीले नियन्त्रणमा लिएको छ ।

परीक्षा निरीक्षक अब्दुल रहमान खाँका अनुसार निरीक्षणका क्रममा नक्कली विद्यार्थी फेला परेका हुन् । संजय चौधरीको नाममा ९अंग्रेजी विषयको ग्रेडवृद्धि० को परीक्षा दिन बनिया आएका थिए ।

चौधरी भैरहवास्थित श्री सु–संस्कृत माध्यमिक विद्यालयका विद्यार्थी हुन् । उनको नाममा परीक्षा दिन आएका बनिया २०८० सालको एसईई परीक्षा उत्तीर्ण भइ हाल कक्षा ११ मा तिलोत्तमास्थित शान्ति नमूना माविमा अध्ययन गरिरहेको परीक्षा निरीक्षक खाँले बताए ।

शिक्षा विकास तथा समन्वय इकाई रुपन्देहीका प्रमुख उपसचिव माधव बन्जाडेले एकजना नक्कली परीक्षार्थी भेटिएको बताए । उनले रूपन्देहीमा शान्तिपूर्ण रुपमा पहिलो दिनको परीक्षा सम्पन्न भएको बताए ।