काठमाडौं । यसवर्षको एसईई चैत १९ देखि २९ गतेसम्म सञ्चालन हुने भएको छ ।

प्रतिनिधिसभा चुनावका कारण परीक्षाको मिति सार्नुपरेको राष्ट्रिय परीक्षा बोर्डले जनाएको छ । वार्षिक शैक्षिक क्यालेन्डरअनुसार एसईई परीक्षा चैतको पहिलो साता हुनुपर्छ ।

निर्वाचनका कारण यसअघि तय गरिएको मिति परिवर्तन गरी नयाँ कार्यतालिकाअनुसार परीक्षा सञ्चालन गर्न लागिएको हो

परीक्षा नियन्त्रक टुकराज अधिकारीले चैत १९ गतेदेखि परीक्षा सुरु गर्ने निर्णय भइसकेको जानकारी दिँदै आवश्यक सम्पूर्ण तयारी अन्तिम चरणमा पुगेको बताए । उनका अनुसार परीक्षा व्यवस्थापन, केन्द्र निर्धारण तथा अन्य प्राविधिक कामहरू समयमै सम्पन्न गरिने छन् ।

देशभरका सामुदायिक तथा संस्थागत विद्यालयका विद्यार्थीहरू एसईई परीक्षामा सहभागी हुनेछन् ।