काठमाडौं ।
नेपाली कांग्रेसले सरकारसँग बाढी, पहिरो तथा डुवानको जोखिमयुक्त स्थान पहिचान गरेर प्रभावित क्षेत्रका नागरिकलाई तत्काल सुरक्षित स्थानमा व्यस्थापन गर्न माग गरेको छ ।
कांग्रेस संसदीय दलले आइतबार विज्ञप्ति जारी गरेर सरकारसँग बाढी, पहिरो तथा डुवानको जोखिमयुक्त स्थानका नागरिकको जिउधनको सुरक्षा गर्न माग गरेको हो ।
प्रमुख सचेतक बालकृष्ण खाणद्वारा जारी विज्ञप्तिमा बाढी, पहिरो तथा डुवानबाट हुने क्षति न्यूनीकरणका लागि तत्काल उद्दार टोली परिचालन र प्रभावकारी संयन्त्रको निर्माण गर्न पनि सरकारसँग माग गरिएको छ ।
मनसुन सुरु भएदेखि बाढी, पहिरो र डुवानका कारण बझाङ, पाल्पा, गुल्मी, स्याङ्जा, गोरखा, लमजुङ, दार्चुला, सल्यानलगायतका स्थानमा हालसम्म झण्डै दुई दर्जन मानिसहरूको मृत्यु भइसकेको छ ।