बुटवल।
बुटवल क्षेत्रमा समुदायमा समेत कोरोना भाइरस संक्रमण फैलिएको भन्दै बुटवल उपमहानगरपालिकाले नगद कारोबार बन्द गर्न बैंक तथा वित्तीय संस्थाहरुलाई अनुरोध गरेको छ ।

बिश्वभर महामारीको रुपमा फैलिएको कोरोना भाइरसको संक्रमण हाल बबुटवल उपमहानगरपालिका क्षेत्र भित्र पनि समुदायमा फैलिएको र कोरोना भाइरस सँक्रमणको जोखिमबाट बच्न र थप सँक्रमण फैलिन नदिन नगरपालिकामा साउन २९ गते देखी भदौै ५ गते सम्म लकडाउन गरिएको भन्दै आजैैदेखी नगद कारोबार बन्द गर्न बैंक तथा वित्तीय संस्थाहरुलाई अनुरोध गरेको हो ।

बुटवल उपमहानगरपालिकाले आज दिउसो एक सुचना जारी गरी आजैैदेखी नगद कारोबार बन्द गर्न बैंक तथा वित्तीय संस्थाहरुलाई अनुरोध गरेको हो ।

आइतबार ५ जना कर्मचारी सहित बुटवल उपमहानगरपालिकाका थप १६ जनामा कोरोना भाइरस संक्रमण पुष्टि भएपछि उपमहानगरपालिकाले आजै देखी अत्यावस्यक बाहेकका सेवा बन्द गरेको छ ।

बुटवल उपमहानगरपालिकाका प्रवक्ता रामप्रसाद रेग्मी का अनुसार संक्रमण पुष्टि भएका ५ जना उपमहानगरपालिकाका कर्मचारी हुन् ।

समुदाय स्तरमा समेत कोरोना भाइरसको संक्रमण फैलिएपछि बुुटवल उपमहानगरपालिकाले लकडाउनलाई थप कडा बनाउने भएको छ ।

कोरोना भाइरसको संक्रमण बाट बच्न र थप फैलिन नदिन बुटवल उपमहानरपालिकाले यही साउन २९ गते रातीदेखि घोषणा गरेको लकडाउन खासै पालना नभएपछि उपमहानगरपालिकाले लकडाउनलाई थप कडा बनाउने निर्णय गरेको हो ।

समुदाय स्तरमा कोरोना भाइरसको संक्रमण फैलिएको अवस्थामा समेत लकडाउनको पुर्ण पालना नभएपछि बुटवल उपमहानगरपालिकाले कर्फ्यु लगाउने बिषयमा समेत छलफल भैरहेको जनाइएको छ ।