बुटवल,

अघाखाँची जिल्लाको सन्धीखर्क नगरपालिका वडा नम्बर ६ नरपानी निवासी अमृता खत्री थापाको छोरा १६ बर्षिय बसन्त थापाको दुबै मृगौला फेल भएपछि उपचारको लागि सहयोग प्रदानगरिएको छ ।

आर्थिक अभावको कारण उपचारमा समस्या भएपछि अर्घाखाँची घर भई हाल दक्षिण कोरियामा रोजगारीको शिलसिलमा रहेका नेपालीहरुले रकम संकलनगरी सहयोग गरेका हुन ।

दुबै मृगौला फेल भई हाल गौतम बुद्ध सामुदायिक मुटु अस्पताल बुटवलमा डाईलाईसिस गर्दै आएका १६ बर्षिय बसन्त थापालाई दक्षिण कोरियामा रोजगारीको रुपमा रहेका ३२ जना नेपाल र अर्घाखाँची सम्पर्क समाजले गरी कुल १० लाख वान अर्थात १ लाख नेपाली रुपैयाँ सहयोग गरेको सहयोग संकलनसमितिका संयोजक राजेन्द्र बेल्बासेले जानकारी दिए ।

भूमिकास्थान नगरपालिका वडा नम्बर २ देउल मावली भएका थापाको सानो उमेरमा नै मृगौलाले काम गर्न छाडेपछि माईती र घर परिवारले सहयोगको याचना गर्दै आएका छन । मृगौला पिडीतहरुको उपचारको लागि लागि १ लाख रुपैयाँ नेपाली रुपैयाँ बैंक मार्फत सम्बन्धीत व्याक्तिहरुको खातामा जम्मा गरिएको संयोजक बेल्बासेले जानकारी दिए । सहयोगी मनहरुले अमृता थापा को नाममा रहेको साईन रेसुंगा बैंक सन्धीखर्क खाता नम्बर ००२००५००००९४७५०००००१ मा रकम जम्मा गरि सहयोग गरिदिन परिवारले अपिल गरेको छ ।