बुटवल, ।
लुम्बिनी प्रदेश सरकारका प्रवक्ता तथा भौतिक पूर्वाधार बिकास मन्त्री बैजनाथ चौधरीलाई कोरोना संक्रमण पुष्टि भएको छ ।

मन्त्री चौधरीले सामाजिक सन्जाल फेसबुक मार्फत आफूलाई कोरोना संक्रमण भएको जानकारी गराएका हुन् ।

आफ्नो पिसिआर परीक्षणमा कोरोना पोजेटिभ देखिएको बताउँदै उनले आफूसँग सम्पर्कमा आएका सबैलाई सजगता अपनाउन आग्रह गरेका छन् । मन्त्री चौधरीसँगै उनकी श्रीमती द्रोपती चौधरी, पिएसओ, सवारी चालक र भान्सेलाई पनि कोरोना संक्रमण देखिएको मन्त्री चौधरीले जनाएका छन् ।

संक्रमित मध्ये मन्त्री चौधरीलाई सामान्य रुघा लागेको छ भने अन्य ४ जनालाई कुनै लक्षण नदेखिएको बताइएको छ ।