बुटवल।
रूपन्देहीमा शुक्रबार थप २९ जनामा कोरोना भाइरस संक्रमण पुष्टि भएका छन् ।

पछिल्लो २४ घण्टामा जिल्लामा १५ महिला र १४ पुरूष गरि २९ जनाामा कोरोना भाइरस संक्रमण पुष्टि भएको स्वास्थ्य कार्यालय रूपन्देहीले जनाएको छ ।

यससँगै रूपन्देही जिल्लामा कोरोना संक्रमितको संख्या ८ हजार ५ सय ४० पुगेको छ ।

पछिल्लो २४ घण्टामा रुपन्देहीका थप ४० जना कोरोना संक्रमित निको भएर घर फर्किएका छन् । जिल्लामा हालसम्म ७ हजार ८ सय ४९ जना कोरोना संक्रमित निको भएर घर फर्किएका छन् ।

हाल रूपन्देही जिल्लामा ५ सय ५९ जना कोरोना संक्रमित उपचाररत रहेका छन् । जिल्लामा हालसम्म १ सय ३२ जना कोरोना संक्रमितको मृत्यु भएको छ ।