कपिलबस्तु
नेकपा माओबादी केन्द्रका जिल्ला नेता दीपक पाण्डेमाथि गोली प्रहार भएको छ । बुधबार राति पाण्डेमाथि अज्ञात समूहले गोली प्रहार गरेको जनाइएको छ ।

तौलिहवा जीतपुर सडकखण्डमा पर्ने सडवा भन्ने स्थानमा पाण्डेमाथि अज्ञात समूहले गोली प्रहार गरेको अखिल क्रान्तिकारीका जिल्ला संयोजक हरिशचन्द्र खनालले बताए ।

पाण्डे तौलिहवामा बासिन्दा हुनु । उनको शरीरका दुई स्थानमा गोली लागेको जनाइएको छ । गोली प्रहार लगत्तै उनलाई कपिलवस्तुमा उपचार हुन नसके पछि बुटवल लगिएको स्रोतले बताएको छ ।

गोली किन र कसले हान्यो अझै खुल्न सकेको छैन् । यस बारेमा जिल्ला प्रहरी कार्यालय कपिलवस्तुमा सम्पर्क गर्न खोज्दा फोन उठेन ।

यता माओबादी केन्द्रका जिल्ला सचिव रामचन्द्र शाहले घटना आफुहरुले थाहा पाएको र यसको बारेमा थप बुझ्न खोजेको बताए। पाण्डेको पार्टीको जिल्ला सदस्य रहेको सचिव शाहले बताए।