कञ्चन-रुपन्देहीको कञ्चनमा जुवाईले आफ्नी छोरीलाई आगो लगाई जलाएर हत्या गरेको भन्दै मृतक सिता थारुकी बुवा जंग बहादुर थारुले प्रहरी समक्ष जाहेरी दिएका छन। इलाका प्रहरी कार्यलय,सालझण्डीका अनुसार कञ्चन गाउपालिका वडा नं। ५ उत्तर भैसाहीकी २८ बर्षिय सिता थारुको गत भदौ २५ गते राती सुतिरहेको अवस्थामा एक्कासी आगो लागेर सख्त घाइते भएकी उपचारको क्रममा मिसन अस्पताल,पाल्पामा भदौ ३० गते बुधवार मृत्यु भएको थियो ।
मृतक सिता थारुकी बुवा जंग बहादुर थारुले एक्कासी आगो लागी भई जलेको नभई जुवाई रञ्जित थारुले नै जानाजान आगोले जलाएर आफ्नो छोरीलाई हत्या गरेको भनि भदौ ३१ गते इलाका प्रहरी कार्यलय,सालझण्डीमा किटानी जोहरी दिएका हुन।
मृतकका माइती पक्षबाट हत्याको आरोप लगाई जोहेरी दिएपछि हत्या गरिएको हो वा आगोले जलेर मृत्यु भएको हो भन्ने थप अनुसन्धानका लागि जिल्ला अदालतबाट म्याद थपी आवस्यक अनुसन्धान कार्यलाई तिब्रता दिइएको इलाका प्रहरी कार्यलय,सालझण्डीका प्रहरी निरीक्षक दिवाकर रिजालले जानकारी दिनु भएको छ। श्रीमतीकको हत्याका आरोपित रञ्जित थारुलाई भदौ ३० गते नै प्रहरीको नियन्त्रणमा लिइएको थियो ।