बुटवल

प्रदेश सरकारले आगामी आर्थिक वर्षको लागि तयार गरेको सरकारको नीति तथा कार्यक्रमको मस्यौदा माथि छलफल गरिएको छ । मुख्यमन्त्री तथा मन्त्रीपरिषदको कार्यालयले मंगलबार बुटवलमा अन्तरमन्त्रालय विच प्रदेश सरकारको आर्थिक वर्ष २०७९/०८० को नीति तथा कार्यक्रमको मस्यौदा माथि छलफल गरिएको हो ।
प्रदेश सरकारले कृषिलाई मुख्य प्राथमिकतामा राखेर नीति तथा कार्यक्रमको मस्यौदा तयार गरेको छ । अघिल्लो वर्ष स्वास्थ्यलाई प्राथमिकता दिईएको थियो । त्यस्तैगरी आगामी नीति कार्यक्रममा पर्यटन, खेलकुद, शिक्षा, औद्योगिक विकास लगायतका कार्यक्रमलाई प्राथमिकता दिईएको एक मन्त्रीले बताउनु भयो ।
सरकारले यहि जेठको २३ गते नीति तथा कार्यक्रम संसदमा प्रस्तुत गर्ने तयारी गरेको छ । सोही अनुसार नीति तथा कार्यक्रम र त्यसपछि बजेटमा सरकारका सबै मन्त्रालयहरु केन्द्रीत भएका छन् ।