बुटवल

नेपाल एसोसियसन अफ टुर एण्ड ट्राभल (नाटा) लुम्बिनीको आयोजनामा शनिबार बुटवल मणिमुकुन्द उद्यान फुलवारीदेखि नुवाकोटसम्मको साढे ३ किलोमिटर वृहत पदयात्रा हुने भएको छ । शुक्रबार बुटवलमा पत्रकार सम्मेलन गरि ‘पर्यटनका लागि हामी, हाम्रो स्वस्थ्य र पदयात्रा’ नारासहित एक दिने वृहत पदयात्राको तयारी पुरा भएको नाटाका अध्यक्ष रचना पन्तले बताईन ।

सामरिक महत्व बोकेको नुवाकोटगढी, भैरव मन्दिरसंगै पर्यटन पुर्वाधारहरु समेत अवलोकन कार्यक्रममा हुने उनले बताईन । कार्यक्रममा विभिन्न सरोकारवाला संस्थाहरुका करिब ३ सय जनाको सहभागिता रहने उनले बताईन ।

आयोजकका अनुसार फुलबारी देखि नुवाकोट साढे ३ र फर्कदा साढे ३ गरि कुल ७ किलोमिटरको दुरिको यात्रामा सहभागीलाई टिसर्ट, पिउने पानी, नास्ता, खानाको ब्यवस्थापन गरिएको छ । पदयात्रासंगै सरसफाईको अभियानलाई समेत जोडिएको बताउँदै उनले पर्यटकहरुलाई सरसफाईप्रति सचेत बनाउन जरुरी रहेको बताइन् ।

बुटवलदेखि नजिककै रहेको पर्यटकिय स्थलको प्रचारप्रसार र पर्यटन प्रवर्द्धन हुने गरि कार्यक्रम गरिएको संयोजक गणेश भट्टराईले बताए । एक दिनको कार्यक्रममा भैरवस्थान मन्दिर र साइड हेर्ने, फोटोसेसन गर्ने लगायतका कार्यक्रम हुने छन