काठमाडौँ,
नेकपा एमालेसहितका बिपक्षी दलहरुको अबरोधका कारण प्रतिनिधिसभाको बैठक बिहीबारसम्मका लागि स्थगित भएको छ ।

प्रधानमन्त्री पुष्पकमल दाहालले दिएको विवादास्पद अभिव्यक्तिको विरोधका कारण रोकिएको प्रतिनिधसभाको बैठक बिहीबार १ बजे बस्नेगरी स्थगित भएको हो ।

प्रतिनिधिसभाको पहिलो बैठकमा विपक्षी दलहरुले प्रधानमन्त्रीको अभिव्यक्तिको विरोध गरेपछि बैठक आधा घण्टाका लागि स्थगित भएको थियो ।

त्यसपछि पनि बैठक सञ्चालन हुने अवस्था नभएपछि सूचना टाँसेर बैठक बिहीबारसम्मका लागि स्थगित गरिएको संसद सचिवालयले जनाएको छ । बिपक्षी दलहरुको अबरोधकै कारण राष्ट्रिय सभाको बैठक पनि सूचना टाँसेर बिहीबारसम्मका लागि स्थगित गरिएको थियो ।