प्युठान,
प्यूठानकाे ददेरीमा माेटरसाइकलकाे ठक्करबाट एक बृद्धाकाे मृत्यु भएकाे छ ।
मृत्यु हुनेमा सरूमारानी गाउँपालिका-२, ददेरी निवासी बर्ष ७५ का सत्यमाेहन अमात्य रहेका छन् ।

शुक्रबार दाङकाे भालुवाङबाट प्यूठानकाे दर्भान तर्फ जाँदै गरेकाे लु ३९ प ८४१५ नम्बरकाे माेटरसाइकलले भालुवाङ-प्यूठान सडक खण्डकाे ददेरीमा ठक्कर दिंदा सरूमारानी गाउँपालिका-२, ददेरी निवासी बर्ष ७५ का सत्यमाेहन अमात्यकाे मृत्यु भएकाे प्रहरीले जनाएको छ ।

माेटरसाइकलकाे ठक्करबाट गम्भीर घाइते भएका अमात्यलाई थप उपचारका लागि लुम्बिनी प्रादेशिक अस्पताल बुटवल पुर्याएपछि डाक्टरले मृत घाेषणा गरेका थिए । त्यस्तै माेटरसाइकल पछाडी सवार स्वर्गद्वारी नगरपालिका-३, जलुके निवासी १६ बर्षिय तिर्सना पुन घाइते भएकी छन् ।

उनको भालुवाङ स्थित राप्ती पाेलिक्लिनकमा उपचारपछि घर पठाईएकाे जिल्ला प्रहरी कार्यालय प्यूठानले जनाएकाे छ ।

ठक्कर दिने माेटरसाइकल चालक सरूमारानी गाउँपालिका-१, दर्भानका १८ बर्षिय अनबर अलि र माेटरसाइकललाई प्रहरी चाैकी दर्भानले नियन्त्रणमा लिएकाे छ ।