बर्दिया,

ईलाका प्रहरी कार्यालय, मैनापोखर बर्दियाका प्रहरी नायव निरीक्षक (सई) पवन साउदफाई घुससहित अख्तियारले नियन्त्रणमा लिएको छ ।

उनलाई सेवाग्राहीसँग ३० हजार घुस लिँदैगर्दा अख्तियारको टोलीले नियन्त्रणमा लिएको हो ।

लागू औषधको मुद्दा मिलाउन सहजीकरण गरिदिने प्रयोजनको लागि सेवाग्राहीसँग घुस माग गरिरहेको भन्‍ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, बुटवल, सम्पर्क कार्यालय नेपालगन्जबाट खटिई गएको टोलीले साउदलाई नियन्त्रणमा लिएको अख्तियारले जनाएको छ ।

सई साउद ईलाका प्रहरी कार्यालय मैनापोखरको मुद्दा फांटमा कार्यरत रहेका थिए ।