तिलोत्तमा ,
इलाका प्रहरी कार्यालय रुपन्देहीले कानुन बिपरित अनाधिकृत रुपमा प्रयोग गरेका अबैध सामान सहित ३ जना पक्राउ गरेको छ । प्रहरीका अनुसार बुटवलका बिभिन्न स्थानमा कानुन बिपरित ओन एक्स बेट र बिनान्स समेतका एप्सहरुको अनाधिकृत रुपमा प्रयोग गरी रुपैया कारोबार गरिरहेको भन्ने बिषेश सूचनाका आधारमा अबैध सामान सहित पक्राउ गरेको हो । पक्राउ पर्नेमा बुटवल उपमहानगरपालिका वडा नं ५ बस्ने २३ बर्षका जिसान मिया, बुटवल उपमहानगरपालिका वडा नं १ बस्ने २९ बर्षका सुरज कसौधन र अर्घखाँची जिल्ला छत्रदेव गाँउपालिका वडा नं ५ घर भै हाल बुटवल उपमहानगरपालिका वडा नं ११ देवीनगर बस्ने ३० बर्षका ईमरान खान रहेका प्रहरी नायव उपरिक्षक सुरज कार्कीले जानकारी दिनुभयो ।
पक्राउ परेका उनिहरुको साथबाट बिभिन्न बैंकहरुको चेकबुक ४ थान, बिभिन्न कम्पनिका मोबाइल फोन ५ थान तथा बिभिन्न दरका नेपाली रुपैयाँ ४ लाख ५० हजार प्रहरीले बरामद गरेको छ ।
प्रहरीले बरामद सामान सहित रुपन्देही जिल्ला अदालतमा पेश गरि अदालत बाट अभौतिक मुद्रा सम्बन्धी कसूरमा म्याद थप गरी अनुसन्धान कायै भैरहेको जनाएको छ ।