तिलोत्तमा , भन्सार छलिका अबैध सामान रुपन्देही प्रहरीले नियन्त्रणमा लिएको छ । जिल्लाका बिभिन्न स्थानबाट नियमित चेकजाँच गर्ने क्रममा अन्दाजी ९ लाख ६४ हजार १ सय ३० बराबरको सामान बरामद गरेको प्रहरीले जनाएको छ ।

वडा प्रहरी कार्यालय बुटवलबाट खटिएको प्रहरी टोलीले बृुटवल उपमहानगरपालिका १० चौराहाबाट बेबारिसे अवस्थामा रहेको सुपर एक्स कम्पनिको बिभिन्न मोबाइलमा प्रयोग हुने ग्लासहरु ८ हजार पिस बरामद गरेको प्रहरी नायव उपरिक्षक सुरज कार्कीले जानकारी दिनुभएको छ ।

त्यस्तै वडा प्रहरी कार्यालय भैरहवा बाट खटिएको प्रहरी टोलीले सिद्धार्थनगर नगरपालिका वडा नं ८ अंचलपुरबाट बेबारिसे अवस्थामा २ बोरा चिनी र किराना सामानहरु बरामद गरेको छ ।

त्यसै गरी इलाका प्रहरी कार्यालय माझगावाँ बाट खटिएको प्रहरी टोलीले मायादेवी गाँउपालिका ६ र कोटहिमाइ गाँउपालिका ३ बाट लु४८ प ५०२४ नं को मोटरसाइकलमा ४ बोरा चिनि , १ बोरा मैदा , १ बोरा मटर र किराना सामानहरु नियन्त्रण लिइ आबश्यक कारबाहिको लागि भैरहवा भन्सार कार्यालय बेलहिया बुझार्र्ईएको प्रहरीले जनाएको छ ।