कपिलवस्तु : नेत्र विक्रम चन्द विप्लव नेतृत्वको नेपाल कम्युनिस्ट पार्टीका चारजना कार्यकर्तालाई प्रहरीले कपिलवस्तुबाट पक्राउ गरेको छ ।

जिल्ला प्रहरी कार्यालय कपिलवस्तुका प्रहरी उपरीक्षक अच्युतमप्रसाद पुडासैनीका अनुसार चारजना स्थानीय नेतालाई प्रहरीले पक्राउ गरेको हो ।

जिल्ला प्रहरी कार्यालय कपिलवस्तुका प्रहरी उपरीक्षक अच्युतमप्रसाद पुडासैनीले बुधकार जिल्लाबाट चार जना नेतालाई पक्राउ गरेको बताए ।

बाणगङ्गा नगरपालिका श्यामदास पासी र राजमङ्गल थारू, शिवगढीबाट दुर्गालाल खत्री र कपिलवस्तुमा बसेर रुपन्देहीको राजनीति गर्ने युवराज न्यौपाने पक्राउ परेका हुन् ।

सरकारले अपराधिक समूह घोषणा गर्दै गतिविधिमा प्रतिबन्ध लगाएसँगै प्रहरीले जिल्लाजिल्लामा विप्लव नेतृत्वको पार्टीका नेता कार्यकर्ताका आवास र कार्यक्षेत्रमा निगरानी बढाएको छ ।