काठमाडौं,

माध्यमिक शिक्षा परीक्षा (एसईई) २०८१ को नतिजामा नन ग्रेड भएका विद्यार्थीहरूका लागि साउन २९ गतेदेखि मौका परीक्षा सञ्चालन गरिने भएको छ ।

नतिजा प्रकाशन गर्नुअघि बसेकाे राष्ट्रिय परिक्षा बाेर्डकाे बैठकले

एसईई २०८१ को नतिजामा नन ग्रेड भएका विद्यार्थीहरूका लागि साउन २९ गतेदेखि मौका परीक्षा सञ्चालन गर्ने निर्णय गरेको हो ।

परीक्षा नियन्त्रण कार्यालयका अनुसार, मौका परीक्षामा सहभागी हुन चाहने विद्यार्थीहरूले तोकिएको म्यादभित्र आवेदन दिनुपर्नेछ ।

यस वर्षको परीक्षामा सहभागी भएका मध्ये ६१.८१ प्रतिशत विद्यार्थी ग्रेड प्राप्त गर्न सफल भएका छन् । बाँकी विद्यार्थीहरू नन ग्रेड भएका छन्, अर्थात् आवश्यक न्यूनतम ग्रेड प्राप्त गर्न असफल भएका हुन् ।

शुक्रबार साँझ बसेको राष्ट्रिय परीक्षा बोर्डको बैठकले कक्षा १० को एसईई नतिजा सार्वजनिक गरेको हो ।

नतिजा प्रकाशनसँगै मौका परीक्षा सम्बन्धी जानकारीले विद्यार्थीहरूलाई पुनः तयारीको अवसर मिलेको छ ।

२०८१ चैतमा सञ्चालन भएको एसईईमा करिब पाँच लाख विद्यार्थी सहभागी भएका थिए ।