काठमाडौं , अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिनपिङ बीच आज दक्षिण कोरियामा भेटवार्ता हुने भएको छ। हाल तीव्र रूपमा चर्किँदै गएको दुई देशबीचको व्यापार युद्धबीच शीर्ष नेताहरूको यो भेटले अन्तर्राष्ट्रिय समुदायको ध्यान खिचेको छ ।  दक्षिण कोरियाको स्थानीय समयानुसार बिहान ११ बजे ट्रम्प र सीबीच बुसान सहरमा भेट हुने अमेरिकी राष्ट्रपति कार्यालय ह्वाइट हाउसले जनाएको छ । चीनको विदेश मन्त्रालयले पनि उक्त भेटको समय तय भएको पुष्टि गरेको छ ।

विदेश मन्त्रालयका अनुसार दुई नेताबीच द्विपक्षीय सम्बन्ध, आपसी हितका मुद्दा र आर्थिक सहकार्यका विषयमा गहिरो छलफल हुनेछ ।

दक्षिण कोरियाको ग्याङ्झूमा बुधबार आयोजित स्वागत भोजमा राष्ट्रपति ट्रम्प सहभागी भएका थिए, जहाँ दक्षिण कोरियाका राष्ट्रपति लि जे म्युंगले उनलाई सुनको विशेष ताज उपहार दिएका थिए ।

ट्रम्प र सीले आजदेखि सुरु भएको एसिया प्यासिफिक इकोनोमिक कोअपरेशन ९एपेक० को शिखर सम्मेलनमा पनि भाग लिने कार्यक्रम रहेको छ । यो उच्चस्तरीय भेटवार्ताबाट अमेरिका(चीन सम्बन्धमा नयाँ कूटनीतिक सन्तुलन कायम हुने अपेक्षा गरिएको छ ।