बुटवल – बुटवलमा चैत १ गतेदेखि २५ गतेसम्म ‘बुटवल महामेला’ आयोजना हुने भएको छ।
फर्वाड नेपाल मल्टिप्रपोज कम्पनीको आयोजनामा   बुटवलको देवीनगर रंगशालामा सञ्चालन हुने उक्त मेलामा राष्ट्रिय तथा स्थानीय कलाकारहरूको सांगीतिक प्रस्तुति, जलपरी कपल डान्स, ब्रुज खलिफा लगायत विभिन्न मनोरञ्जनात्मक कार्यक्रम रहने आयोजक कम्पनीका अध्यक्ष गोविन्द भुसालले जानकारी दिए।
आयोजक संस्थाले शुक्रबार पत्रकार सम्मेलन आयोजना गरी मेलाको तयारी पूरा भएको जानकारी दिएको हो। मेलामा टिकटक प्रतियोगिता, डान्स प्रतियोगिता लगायत विभिन्न गतिविधि पनि सञ्चालन गरिने बताइएको छ।
मेलामा करिब ५ लाख दर्शक सहभागी हुने तथा करिब ५ करोड रुपैयाँ बराबरको कारोबार हुने आयोजकको अपेक्षा रहेको छ।मेलामा प्रवेश टिकट विद्यार्थीलाई रु ५०, अन्य लाई एक सय र जेष्ठ नागरिक , अपाङ्गता भएका ब्यक्तिलाई भने निशुल्क प्रवेश को ब्यबस्था गरिएको छ ।पत्रकार सम्मेलन कार्यक्रमको संचालन सुबाश बिसि ले गर्नुभएको थियो ।