काठमाडौँ । राष्ट्रिय प्रजातन्त्र पार्टीका प्रवक्ता मोहन कुमार श्रेष्ठले उच्च पदस्थहरूको सम्पत्ति छानबिन गर्ने विषय स्वागतयोग्य भएको उल्लेख गरेका छन् ।

श्रेष्ठले सामाजिक सञ्जालमार्फत भनेका छन्– २०४६ पछिका उच्च पदस्थहरूको सम्पत्ति छानबिन गर्ने विषयलाई लामो समयदेखि राप्रपाले प्रमुखताका साथ उठाउँदै आएको, सडक र सदनमा आवाज मुखरित गरेको, पार्टीका हरेक दस्ताबेजमा दस्तावेजीकरण गरेको, विगतका सरकारहरूलाई पटक पटक ध्यानाकर्षण गराउँदै आएको र चुनावी सङ्कल्प पत्रमा प्राथमिकताका साथ प्रतिबद्धता गरेको विषय हो।

उनी थप लेख्छन्– सरकारले शासकीय सुधारका १०० कार्यसूचीमा यस विषयलाई समेट्नु स्वागतयोग्य छ। बिना पूर्वाग्रह, बिना प्रतिशोध यस कार्यको प्रारम्भ गरी सरकारले सुशासनको प्रत्याभूति दिलाउन सकोस् ।