बुटवल । नेपाल भारत सीमाको सुनौली नाकामा यात्रुहरुलाई दुःख हैरानी दिने ४ जना भारतीय युवकहरुलाई शसस्त्र प्रहरीले नियन्त्रणमा लिएर नेपाल प्रहरीलाई बुझाएको छ ।

शसस्त्र प्रहरी बल नेपाल २७ नम्बर गण हेड क्वाटर रुपन्देहीबाट तालिम प्राप्त कुकुर परिचालनसहित खटिएको टोलीले गरेको स्वीप अप्रेशनका क्रममा बेलहिया नाका स्थित यात्रु शाखामा बसेर यात्रुहरुलाई अनावश्यक हैरानी दिइरहेको अवस्थामा ४ जना भारतीय नागरिकलाई नियन्त्रणमा लिएर प्रहरीलाई बुझाएको रुपनदेही प्रहरीले जनाएको छ

पक्राउ पर्नेहरुमा भारत उत्तर प्रदेश महाराजगन्ज कुलही घर भएका २१ वर्षिय राजपालसहित ४ जना रहेका छन् । राजपालको साथबाट ४ हजार ९५० भारतीय रुपैयाँ र नेपाली रकम रु ४०० रुपैया तथा मोबाइल १० थान बरामद भएको प्रहरीले जनाएको छ । अन्य पक्राउ पर्नेहरुमा भारत उत्तरप्रदेश कुशीनगर बस्ने २१ वर्षिय विपिन कुसुवा र २२ वर्षिय साजित अन्सारी तथा भारत उत्तर प्रदेश गोरखपुर इटहीया बस्ने वर्ष २५ वर्षिय अमित यादव रहेका छन् ।

पक्राउ परेकाहरुमाथि थप अनुसन्धान कार्य जारी रहेको प्रहरीले जनाएको छ ।