तिलोत्तमा, लागुऔषध ब्राउनसुगरको अवैध कारोबार भइरहेको भन्ने गोप्य सूचनाका आधारमा जिल्ला प्रहरी कार्यालय रुपन्देहीबाट खटिएको प्रहरी टोलीले एक जनालाई पक्राउ गरेको छ।
प्रहरीका अनुसार सिद्धार्थनगर नगरपालिका–३ स्थित दरखसवामा लागुऔषधको कारोबार भइरहेको सूचनापछि खटिएको प्रहरी टोलीले भारतको उत्तर प्रदेश, महाराजगञ्ज जिल्लाको जगन्नाथपुर निवासी ४० वर्षीय रामायन प्रसादलाई पक्राउ गरेको हो।
उनको साथबाट २५ ग्राम ४५० मिलिग्राम ब्राउनसुगर बरामद गरिएको जिल्ला प्रहरी कार्यालय रुपन्देहीले जनाएको छ।
पक्राउ परेका प्रसादलाई लागुऔषध नियन्त्रण ऐन, २०३३ बमोजिम मुद्दा दर्ता गरी रुपन्देही जिल्ला अदालतबाट १० दिनको म्याद थप गरिएको छ। घटनाबारे थप अनुसन्धान भइरहेको जिल्ला प्रहरी कार्यालय रुपन्देहीका प्रहरी नायब उपरीक्षक कृष्ण कुमार चन्दले जानकारी दिनुभएको छ।