बुटवल ।
बुटवल–पाल्पा खण्डमा सडक भासिएपछि शनिबार देखि ठूला सवारीका साधान आवागमनमा रोक लगाइएको छ ।
लगातारको वर्षाले पाल्पाको तिनाउ–३ झुम्सा र पानी मिलको बीचमा पर्ने सडक भासिएको हो ।
पिच सडक शनिबार १ मिटर तल खस्किएपछि ठूला सवारीका साधान आवागमनमा रोक लगाइएको हो ।
सडक विहिबारबाट सामान्य चिरा पर्न सुरु गरेको प्रतक्षदर्शिले बताएका छन् ।
करिब २० मिटर लामो सडकको आधा भाग भित्रैदेखि भासिएको सडक डिभिजन कार्यालय पाल्पाका इन्जिनियर शिव खत्रीले बताउनुभयो ।
सडक भासिएपछि तत्कालका लागि बीचबाटोमा अलपत्र परेका ठूला सवारी साधनलाई गन्तव्यमा पुर्याउन भासिएको ठाउँमा मिस्कटले पुर्ने काम भइरहेको उहाले जानकारी दिनुभयो
भासिएको ठाउँमा जोखिम रहेकाले चारपांग्रे हलुका सवारी बाहेक ठूला सवारी साधन सञ्चालनमा रोक लगाएको ट्राफिक प्रहरी कार्यालय पाल्पाले जनाएको छ ।