बुटवल । सार्वजानिक सवारी साधन संचालन गर्न पाउने निर्णय गर्दै रुपन्देहीमा जारी निषेधाज्ञा असार ३१ गतेसम्मका लागि थप गरिएको छ । जिल्ला प्रशासन कार्यालय रुपन्देहीले सार्वजानिक सवारी साधनमा जोरबिजोर प्रणाली लागु गर्दै जारी निषधाज्ञालाई असार मसान्त सम्म थप गरेको हो ।

आजै बसेको डिसीएमसीको बैठकले ३१ गते राति १२ बजेसम्म निषेधाज्ञा लम्बाउने निर्णय गरेको जिल्ला प्रशासन कार्यालय रुपन्देहीका सूचना अधिकारी जनक थापाले जानकारी दिए ।

सरकारले तोकेअनुसारको स्वास्थ्य मापदण्ड कायम गरेर थप गरिएको निषेधाज्ञामा सर्वाजनिक सवारी साधन संचालन गर्न पाईने छ भने अन्य निषेधाज्ञाका सबै सर्तहरु पूर्ववत कायम गरिएको छ । असार १५ गतेको बैठकले जिल्लामा सार्वजनिक सवारी साधनलाई जोर–विजोर प्रणालीमा सञ्चालन गर्न दिएको थियो भने निजी सवारी साधनलाई असार ८ गतेदेखि जोर–विजोर प्रणालीमा सञ्चालन गर्न दिएको थियो ।

यस्तै माछा मासु तरकारी फलफुल दुग्धजन्य साम्रगीहरु विहान ५ बजेदेखि ८ बजेसम्म सञ्चालन गर्न पाइने छ भने अन्य व्यापार व्यवसाय बिहान ११ बजेदेखि ६ बजेसम्म सञ्चालन गर्न पाइने छ ।