काठमाण्डाै – प्रधानमन्त्री पुष्पकमल दाहाल प्रचण्ड नेतृत्वको सरकार गठन भएको आज सय दिन पुगेको छ ।

सरकारको सय दिनलाई ‘हनिमुन अवधि’ भनिन्छ र यस अवधिमा गरेका कामले सरकारको आउँदाे यात्राको सङ्केत गर्छ । तर प्रचण्ड नेतृत्वको वर्तमान सरकारको सय दिन भने नयाँ गठबन्धन बनाउने, भत्काउने र पुरानै गठबन्धनमा फर्किने राजनीतिक दाउपेचमै बितेको छ ।

यद्यपि सरकारले भने सय दिनकाे छाेटाे अवधिमै पनि राज्यका निर्देशक सिद्धान्त, नीति तथा दायित्वहरूकाे कार्यान्वयन, सार्वजनिक सेवाकाे नागरिककाे सरल र सहज पहुँच सुनिश्चित गर्ने तथा समग्र शासकीय सुधारका दिशामा महत्त्वपूर्ण पाइलाहरू चालेको कुरालाई पुष्टि गर्ने दाबी गरेकाे छ ।

देशको अर्थतन्त्रको पुनरुत्थान, राज्यका सबै तहमा सुशासनको प्रत्याभूति, विकास निर्माण कार्यमा तीव्रता, सेवा प्रवाहमा सरलीकरण, जनसेवा र जनसरोकारका मुद्दाहरुको सम्बोधन, सामाजिक न्यायको प्रवर्धन तथा राष्ट्रिय हितको अभिवृद्धि गर्ने उद्देश्यले कामकाजहरू अगाडि बढाइरहेको सरकारको दाबी छ । गएकाे पुस १० गते प्रधानमन्त्री बन्नुभएका प्रचण्डको सचिवालयले १०० दिनको कामलाई ३७ बुँदामा यसरी समेटेको छ–