काठमाडौं

प्रतिनिधि सभा अन्तर्गत संसदीय सुनुवाइ समितिको सभापतिमा नेपाली कांग्रेसकी ईश्वरीदेवी न्यौपाने निर्विरोध निर्वाचित भएकी छन् । संघीय संसद, संसदीय सुनुवाइ समितिको आज बसेको बैठकमा न्याैपाने सभापति निर्वाचनमा उनी निर्वाचित भएकी हुन् ।

बैठकमा समितिको ज्येष्ठ सदस्य पशुपतिशमशेर जबराले उक्त समितिको सभापति पदका लागि न्याैपानेकाे मात्र उम्मेदवारी परेको भन्दै उनलाई निर्विरोध निर्वाचित भएको घोषणा गरेका थिए ।

ज्येष्ठ सदस्य जबराले नेपाली कांग्रेसको सांसदसमेत रहेका नवनिर्वाचित सभापति न्यौपानेलाई बधाई तथा शुभकामनासमेत व्यक्त गरे । नवनिर्वाचित न्यौपानेले आज साँझ सभामुख देवराज घिमिरेबाट शपथ ग्रहण गर्ने कार्यक्रम रहेको संसद सचिवालयले जनाएको छ ।