तिलोत्तमा,रुपन्देही प्रहरीले लागुपर्दाथ सेवन गरी झै झगडा गरेर ढुंगाले हानी हत्या गर्ने अमिरीका थारु भनिने अजय थारुलाई पक्राउ गरेको छ । प्रहरी नायव उपरिक्षकको कमाण्डमा खटिएको स्निफिंग डग सहितको अनुसन्धान टोलीले गरेको अनुसन्धानका आधारमा तिलोत्तमा नगरपालिका वडा नं १२ बस्ने ४२ बर्षीय अमिरीका थारुलाई पक्राउ गरेको हो । ज्याला मजदुरीको काम गर्ने लमही नगरपालिका वडा नं ७ की ४० बर्षीय संगिता थारु र संगै काम गर्ने अमिरीका थारु बिच मादक पर्दाथ सेवन गरी भै झगडा हुँदा अमिरीका थारुले ढुगाँले हानेर मारेको अनुसन्धानका क्रममा बताएका प्रहरीले जनाएको छ ।

पक्राउ परेका थारुको साथबाट हत्याको समयमा लगाएको कपडा तथा मृतक संगिता थारुले चलाउने निलम लेखिएको साइकल प्रहरीले नियन्त्रणमा लिएको जनाएको छ । उनलाई जिल्ला अदालत रुपन्देही बाट ८ दिनको म्याद थप गरि अनुसन्धान कार्य भैरहेको रुपन्देही प्रहरी प्रवक्ता एवं प्रहरी नायव उपरिक्षक सुरज कार्कीले जानकारी गराए ।

बुटवल कालिका नगर बस्दै आएकी संगिता चौधरी थारुको शव फागुन आठ गते सियारी गाउँपालिका २ मा परालले छोपेको अवस्थामा प्रहरीले भेटाएको थियो ।