तिलोत्तमा,  तिलोत्तमा ८ सूर्यपुरा, रूपन्देहीस्थित विन्ध्यवासिनी त्रिदेवी मन्दिरमा हिजो (बिहीबार) देखि सञ्चालित महायज्ञको शुरूआत मै भक्तजनको आकर्षण बढेको छ ।

सयौंको संख्यामा भक्तजनको उपस्थिति रहेको थियो भने लाखौं रूपियाँको .दान समेत संकलन भैसकेको आयोजक मूल समितिका सह सचिव रेशम पाण्डेले जानकारी दिनुभयो ।

श्रीमद् देवी भागवत महापुराण एवम् तण्डुलाचल ज्ञान महायज्ञको दोस्रो दिन आज (शुक्रबार) प्रमुख वाचक आचार्य चैतन्यकृष्ण प्रभूले यसलोकको आत्मसन्तुष्टि र परलोकको देवधाम प्राप्तितर्फ भक्तजनलाई प्रेरित गर्नुभएको थियो ।

महायज्ञका क्रममा हरेक दिन विहान ५ बजेदेखि योग तथा ध्यान, दिनको ११ बजेदेखि कथा प्रवचन सञ्चालन हुने गरेको छ । त्यसैगरी, साँझमा श्रृंगारिक महाआरती समेत सञ्चालन हुने गरिएको मूल समितिका सविच कृष्ण तिवारीले बताउनुभयो । महायज्ञका क्रममा चौरासी पूजा, लक्ष्यवर्ती प्रज्ज्वलन समेतका लागि लामो सूची बनिसकेको आयोजकले बताएका छन् ।